Innflutningur

Innkaupadeild Distica annast innkaup, innflutning, birgðastýringu, tollafgreiðslu og aðra þjónustu við umbjóðendur sína.

Tæplega 400 sendingar berast Distica í hverjum mánuði og sér deildin um allt innflæði á lyfjum og öðrum vörum frá framleiðendum til vöruhúsanna. Innkaupadeild Distica heldur utan um ytri og innri samskipti og þjónar yfir 300 birgjum og umbjóðendum þeirra.

Birgðastýring/vörustjórnun

Innkaup aðfanga eru oft stærsti kostnaðarliður fyrirtækja og því afar mikilvægt að þau séu skilvirk og skipulögð. Distica býður upp á ráðgjöf við birgðastýringu. Markmiðið með birgðastýringu er að lækka fjárbindingu og að birgðahaldskostnaður sé í samræmi við sölu og áætlanir. Distica notar viðskiptahugbúnaðinn AGR innkaup auk þess að byggja á margra ára reynslu starfsmanna innkaupadeildar.

Við munum með ánægju skoða hvort þjónusta Distica gæti hentað þínu fyrirtæki. Vinsamlegast sendu okkur fyrirspurn á distica@distica.is

Flutningur

Distica sér um samskipti við alla flutningsaðila, hvort sem um ræðir innflutning eða útflutning. Distica finnur bestu flutningsleiðina til landsins og kappkostar að lágmarka kostnað við innflutning. Þessi liður í aðfangakeðjunni er mikilvægur og hægt er að sameina sendingar til að flutningur sé hagkvæmari fyrir umbjóðendur.

Tollafgreiðsla

Distica býður umbjóðendum sínum þjónustu við tollafgreiðslu, þ.m.t. gerð tollskýrslna. Það felur í sér að safna saman pappírum, vörureikningum, leyfum, farmbréfum og öðrum skjölum og sjá um að fá afhendingarheimild frá Tollstjóra.

 

Birgjar

Distica er í samskiptum við og kaupir inn frá u.þ.b. 300 framleiðendum og heildsölum um allan heim. Samskiptin ná yfir alla aðfangakeðjuna, allt frá framleiðendum, vöruhúsum og til tengiliða á Íslandi.

Vöruhús Hörgatúni
Hörgatún 2, 210 Garðabær

Opið frá 10:00 til 16:00

Skrifstofa
Hörgatúni 2, 210 Garðabær

Opið frá 08:00 til 16:00

Vöruhús Suðurhrauni
Suðurhraun 12a, 210 Garðabær

Opið frá 10:00 til 16:00

Google Map