Saga

Distica hóf starfsemi 1. janúar 2007. Félagið varð til við skiptingu Vistor hf. í tvö félög en starfsemin var áður rekin sem innkaupa- og dreifingardeild innan Vistor.

Fyrirtækið á sér þó rúmlega 60 ára sögu því rætur þess má rekja allt aftur til ársins 1956 þegar sjö apótekarar tóku sig saman um að koma á umbótum í lyfsölumálum landsmanna og stofnuðu innkaupasamband apótekara, Pharmaco hf.

Þetta var á tímum hafta- og skömmtunarstefnu í efnahagsmálum á Íslandi. Sérstök leyfi þurfti til fjárfestinga og innflutningur var háður gjaldeyris- og innflutningsleyfum. Vöruskortur var almennur og svo var einnig í lyfjaverslunum. Ástandið var óviðunandi og því stofnuðu lyfsalar innkaupasamband apótekara til að svara brýnni þörf og tryggja með markvissum hætti framboð á lyfjum alls staðar á landinu.

Stiklað á stóru í sögu fyrirtækisins:

1956

Pharmaco hf. stofnað af sjö apótekurum til að markaðssetja og dreifa lyfjum.

1960

Pharmaco hf. hefur framleiðslu lögbókarlyfja.

1981

Delta hf. stofnað til að sinna framleiðslu.

1992

Eignarhluti Pharmaco í Delta seldur.

1993

Endurskipulagning á starfsemi Pharmaco hf. með áherslu á heildsölu og dreifingu á lyfjum, lækningatækjum, hjúkrunarvörum og snyrtivörum.

1997

Dreifingarstarfsemin hlýtur ISO 9001 gæðavottun.

2000

Pharmaco hf. sameinast Balkanpharma í Búlgaríu.

2002

Pharmaco Ísland ehf. stofnað og selt Veritas Capital hf. Pharmaco Ísland verður PharmaNor hf. og stofnar dótturfélag utan um snyrti- og neytendavörur. Dótturfélagið fær nafnið CosNor.

2004

Dótturfélagið CosNor selt.

2005

Nafnabreyting 10. janúar, PharmaNor fær nafnið Vistor hf.

2006

Stofnun Distica undirbúin – innkaup, vöruhúsarekstur og dreifing klofin út úr Vistor.

2007
  • Starfsemi Vistor skipt upp í tvö félög þann 1. janúar:
    Distica, sem sér um innflutning, vörustjórnun, móttöku pantana og dreifingu til viðskiptavina fyrir umbjóðendur sína.
    Vistor, sem sér um sölu- og markaðsstarf ásamt lyfjaskráningu.
    Bæði félögin eru að fullu í eigu Veritas Capital hf.
  • Afgreiðsla á öðrum vörum en lyfjum flyst í nýtt 2.000 m2 vöruhús í Suðurhrauni.
2008

Veritas Capital gert að virku móðurfélagi í janúar og fjármála- og stoðsvið flutt þangað. Distica kaupir alla stoðþjónustu af móðurfélaginu.

2009

Nýr kæliklefi fyrir kælivörur tekinn í notkun í maí.

2010

Manhattan SCALE vöruhúsakerfi innleitt í vöruhúsinu í Suðurhrauni.

2011

Manhattan SCALE vöruhúsakerfi innleitt í lyfjavöruhúsinu í Hörgatúni.

2012
  • Rafrænt endursendingakerfi (ES) innleitt í mars.
  • Upplýsingagátt Distica hönnuð og innleidd.
  • Ný skrifstofubygging í Hörgatúni tekin í notkun.
2013
  • Vöruhús Distica í Suðurhrauni fær ISO vottun.
  • Distica er Framúrskarandi fyrirtæki Creditinfo.
  • Endurbótum á lyfjavöruhúsinu í Hörgatúni lokið. Með 1.300 m2 viðbyggingu telur vöruhúsið 3.500 m2 og er eitt fullkomnasta vöruhús landsins.
  • Innleiðing á Navision upplýsingakerfi.
2014

Distica er Framúrskarandi fyrirtæki Creditinfo.

2015
  • Manhattan SCALE uppfært.
  • Innleiðing á LEAN aðferðafræðinni hefst.
  • Distica er Framúrskarandi fyrirtæki Creditinfo.
2016

Distica er framúrskarandi fyrirtæki Creditinfo.

2019
  • Microsoft Dynamics NAV uppfært í útgáfu 2017.
  • Ný heimasíða Distica í loftið.

Vöruhús Hörgatúni
Hörgatún 2, 210 Garðabær

Opið frá 10:00 til 16:00

Skrifstofa
Hörgatúni 2, 210 Garðabær

Opið frá 08:00 til 16:00

Vöruhús Suðurhrauni
Suðurhraun 12a, 210 Garðabær

Opið frá 10:00 til 16:00

Google Map